Welcome to FrenchMoli! - பிரெஞ்சுமொழி வலைத்தளத்துக்கு நல்வரவு!

பிரெஞ்சு மொழி கற்போம்
வணக்கம்! வாருங்கள் உறவுகளே! Bienvenue en Frenchmoli !

புதிதாக தொடங்கப்பட்ட இந்த FRENCHMOLI - பிரெஞ்சுமொழி வலைத்தளத்திற்கு உங்கள் அனைவரையும் அன்புடன் வரவேற்பதில் மகிழ்ச்சியடைகின்றேன்.
  • நீங்கள் பிரான்சுக்கு புதிதாக வந்தவராக இருக்கலாம்.
  • நீங்கள் பிரான்சுக்கு வந்து ஒரு குறிப்பிட்ட காலமாகியும் கூட பிரெஞ்சு மொழியை கற்கும் வாய்ப்பு, நேரம் கிட்டாதவராக இருக்கலாம்.
  • பிரான்சு வந்து வதிவிட/ குடியுரிமை போன்ற நிலையை எட்டுவதற்கான, பிரான்சு அரசு கோரும் A1, A2, B1 போன்ற பிரெஞ்சுமொழி தகமைகளுக்காக பிரெஞ்சு கற்றுக்கொண்டிருப்பவராகவும் இருக்கலாம்.
  • பிரெஞ்சு மொழியை கற்று, கல்வி தகமைகளுடன், பிரான்சில் கல்வி வீசா அல்லது தொழில் வீசா பெறுவதற்கான முயற்சியில் உள்ளவராகவும் இருக்கலாம்.
  • பிரான்சு நாட்டிற்கு வரும் எண்ணம் அல்லது அம்முயற்சியில் பிரெஞ்சு கற்கும் ஆர்வத்தில் உள்ளவராகவும் இருக்கலாம்.
  • பிரெஞ்சு கற்றிருப்பினும், மேலும் அதனை மேம்படுத்திக்கொள்ளும் நோக்குடையவராகவும் இருக்கலாம்.
எதுவானாலும், இதோ இது உங்களுக்கான தளம்!
இந்த பிரெஞ்சுமொழி வலைத்தளத்தில், அடிப்படை முகமன் சொற்கள் முதல் பிரெஞ்சு இலக்கணம் வரை அனைத்து பாடங்களும் முற்றிலும் இலவசமாக  வழங்கப்படும்.

நீங்கள் செய்ய வேண்டியது, இந்த பிரெஞ்சு மொழி வலைத்தளத்தை தொடர்ந்து பின்பற்றுவது மட்டுமே.
விரும்புவோர் எந்த வயதினரானாலும் இணைந்து கற்கலாம். முழுமையான தமிழ் விளக்கத்துடன் பிரெஞ்சு பாடப் பயிற்சிகள்!
அதுமட்டுமன்றி, பிரான்சின் வரலாறு, பிரெஞ்சு புரட்சி, சிறப்பு ஆக்கங்கள் என பிரான்சு மற்றும் பிரெஞ்சு மொழி தொடர்பான பயனுள்ள பலவேறு விடயங்களையும் நீங்கள் இத்தளத்தில் எதிர்பார்க்கலாம்.
உங்கள் பங்களிப்பு:


அன்பின் உறவுகளே! இந்த இணைய வழி பிரெஞ்சுப் பாடங்கள், எந்த இலாப நோக்கமும் இன்றி, எமது சமூக நலஞ்சார் நோக்கில் மட்டுமே உருவாக்கப்பட்டவை. இவை எந்தளவிற்கு பயனுள்ளவை என்பதை நீங்கள் தான் கூறவேண்டும். இப்பாடங்கள் பயனுள்ளவை என நீங்கள் கருதினால், இத்தளத்தை உங்கள் நண்பர்கள், உறவினர்கள், மற்றும் பிரெஞ்சு கற்க விரும்பும் ஆர்வலர்கள் என அனைவரிடம் கொண்டு செல்லுங்கள். உங்கள் சமூக வலைப்பக்கங்கள் பகிருங்கள். 

நன்றி!

அன்புடன்
ச. தங்கவடிவேல் | Sa. Thangawadivel

பி.கு.: கீழுள்ள ஐகொன்களை சொடுக்கி, எமது சமூக வலைப்பக்கங்களான: முகநூல் | இன்சுடாகிராம் | டுவிட்டர் | பின்டரசுட் | லின்கிடின் போன்றவற்றின் ஊடாகவும் எம்முடம் இணைந்துக்கொள்ளலாம். எமது முகநூல் பக்கத்தில் "இன்று ஒரு சொல்" எனும் ஒரு பகுதியில் ஒவ்வொரு நாளும் ஒவ்வொரு பிரெஞ்சு சொல் வழங்கப்படுகிறது. அப்பக்கத்தை பின்தொடர்ந்து உங்கள் பிரெஞ்சு சொல்வளத்தையும் பெருக்கிக்கொள்ளலாம்.

        

Comments

  1. AviatorMay 30, 2022 at 7:16 AM

    உங்களின் மின்னஞ்சல் முகவரியை அனுப்புங்கள்.

    ReplyDelete

Post a Comment

Popular posts from this blog

பிரெஞ்சு எண்கள் 1 - 100 (French Numbers 1 - 100 in Tamil)

Image
வணக்கம் உறவுகளே!  இன்று நாம் இந்த பிரெஞ்சுமொழி பாடத்தில், எப்படி பிரெஞ்சு எண்களை 1 முதல் 100 வரை எண்ண வேண்டும் என்று பார்ப்போம். பிரெஞ்சு மொழியில் எண்களை ' லெ நொம்bப்ர' (Les nombres) என்று அழைப்பர். (Les nombres de 1 à 100 en français)  உங்கள் ஒலிப்பு/ உச்சரிப்பு பயிற்சிக்காக, ஒவ்வொரு பிரெஞ்சு எண்ணினதும் ஒலிப்பு வடிவம் தமிழ் எழுத்துக்களால் எழுதிக்காட்டப்பட்டுள்ளது. இருப்பினும் தமிழ் எழுத்துக்கள் கொண்டு பிரெஞ்சு மொழிச் சொற்களை அல்லது பிரெஞ்சு மொழியின் ஒலிகளை துல்லியமாக எழுதிக்காட்டுதல் என்பது முற்றிலும் சாத்தியமானது அல்ல என்பதை முதலில் எல்லோருக்கும் அறியத்தருகிறேன். அதேவேளை பிரெஞ்சு எண்களின் ஒலிகளை எழுத்துவடிவில் எழுதிக் காட்டாமல், எவரும் எமது மொழிக் குடும்பத்துடன் தொடர்பில்லாத, ஐரோப்பிய மொழிக் குடும்பத்தைச் சேர்ந்த பிரெஞ்சு மொழியின் ஒலிப்புமுறையை எளிதாக கற்கவும் இயலாது. எனவே, முடிந்தவரை எளிதாக தமிழ் எழுத்துக்கள் கொண்டு எழுதிக்காட்டப் பட்டுள்ளன என்பதை கருத்தில் கொள்க. அதேவேளை தமிழ் தவிர்ந்த ஆங்கில எழுத்துக்களும் தமிழில் புழங்கும் கிரந்த எழுத்துக்களும் இப்பாடத்தில் பயன்படுத்தப்...
Read more

பிரெஞ்சுமொழி - உயிரெழுத்துக்களும் மெய்யெழுத்துக்களும் (FrenchMoli - French Vowels and Consonants in Tamil)

Image
ஒரு மனிதனின் உடலும் உயிரும் ஒருங்கே இணைந்து செயல்படுவது போன்றே, ஒரு மொழியின் எழுத்துக்களில் உயிரெழுத்துக்களும் மெய்யெழுத்துக்களும் இணைந்து அம்மொழியின் உயிர்மெய் ஒலிகளை தோற்றுவிக்கின்றன.  தமிழ் மொழியில் போன்று, ஒவ்வொரு உயிர்மெய் எழுத்துக்குமான தனித்தனி எழுத்துருக்கள் ஐரோப்பிய மொழிகளில் கிடையாது. எனவே அம்மொழியில் ஒரு மெய்யெழுத்தையும் உயிரெழுத்தையும் (சில ஒன்றுக்கு மேல்) சேர்த்து எழுதியே உயிர்மெய் ஒலிகள் பெறப்படுகின்றன. எனவே பிரெஞ்சு மொழியில் எவ்வாறு ஒரு மெய்யெழுத்து ஒலியும், உயிரெழுத்து ஒலியும் இணைந்து பயன்படுகிறது என்பதை அறிந்துக்கொள்ளுதல் மிகவும் அவசியம்.  பிரெஞ்சுமொழி அரிச்சுவடியில் உள்ள 26 எழுத்துக்களில் 6 உயிர் எழுத்துக்களும் 20 மெய்யெழுத்துக்களும் உள்ளன.   முதலில், பிரெஞ்சு மொழியில் உள்ள உயிரெழுத்துக்களை பார்ப்போம். பிரெஞ்சு மொழியில் உயிரெழுத்துக்களை " லே வொயல்" (Les Voyelles) என்று அழைப்பர்.  பிரெஞ்சு உயிரெழுத்துக்கள் (Les Voyelles) A = அ E = ஹுஃ  I   =  ஈ  O = ஓ U = ஊh Y = இ (அரை உயிரெழுத்து (La-semi voyelle)) குறிப்பு: ஆங்கிலத்...
Read more

பிரெஞ்சுமொழி அரிச்சுவடி (French Alphabet in Tamil)

Image
ஆங்கில அரிச்சுவடியில் போன்றே பிரெஞ்சு அரிச்சுவடியிலும் அதே 26 உரோமன் எழுத்துக்களே உள்ளன. ஆனாலும் ஆங்கில எழுத்துக்களின் ஒலிப்பு முறைக்கும் பிரெஞ்சு எழுத்துக்களின் ஒலிப்பு முறைக்கும் இடையே நிறைய வேறுபாடு உள்ளது.  எனவே பிரெஞ்சு மொழியை முழுமையாக கற்பதற்கு, நாம் முதலில் பிரெஞ்சு அரிச்சுவடியில் உள்ள எழுத்துக்களின் ஒலிப்பு முறையை சரியாக ஒலிக்க (உச்சரிக்க) கற்றுக்கொள்ள வேண்டும். கவனிக்கவும் : எழுத்துக்களின் வரிவடிவம் ஒரே மாதிரி இருப்பதால், ஆங்கில அரிச்சுவடியில் உள்ள எழுத்துகளை ஒலிப்பது/ உச்சரிப்பது போன்று பிரெஞ்சு எழுத்துக்களை உச்சரிக்கக் கூடாது. பிரெஞ்சுமொழியில், பிரெஞ்சு அரிச்சுவடியை “ லல்fபbபே fப்ரொன்சே” (L’alphabet Français) என்று அழைப்பர். இச்சொற்றொடரை பார்த்தீர்களானால், இதில் உள்ள `t` மற்றும் கடைசியில் உள்ள `s` எழுத்துக்கள் ஒலிக்கப்படுவதில்லை. அவற்றை பிரெஞ்சில் மௌன எழுத்துக்கள் (Lettres de silence) என்பர். அவற்றை எதிர்வரும் "பிரெஞ்சு ஒலிப்பு முறைமை" பாடங்களில் விரிவாகப் பார்க்கலாம்.  இன்று இப்பாடத்தை மட்டும் பார்ப்போம். பிரெஞ்சு நெடுங்கணக்கு அல்லது பிரெஞ்சு அரிச்சுவடி முதலில்...
Read more

பிரெஞ்சு கிழமை நாட்கள் (French Days of the Week in Tamil)

Image
வணக்கம் உறவுகளே!  இன்று நாம் இந்த பிரஞ்சுமொழி பாடத்தில், பிரெஞ்சு மொழியில் எப்படி கிழமை நாட்களை கூறுவது என்று பார்ப்போம். பிரெஞ்சு மொழியை கற்கும் நாம் முதலில் பிரெஞ்சு மொழியின் அடிப்படை சொற்களை அறிந்துக் கொள்ள வேண்டும். பிரெஞ்சு மொழியின் கிழமை நாட்களின் பெயர்களையும் அவற்றை எப்படி பிரெஞ்சில் ஒலிப்பது என்பதையும் கட்டாயம் அறிந்து வைத்துக்கொள்ள வேண்டிய ஒன்றுதான்.  "கிழமையின் நாட்கள்" என்பதை பிரெஞ்சு மொழியில் “Les jours de la semaine” என்பர். பிரெஞ்சு கிழமை நாட்களின் பிரெஞ்சு ஒலிப்பை எளிதாக கற்றுக்கொள்ளும் நோக்கில், அவற்றை நீல நிறத்தில் வேறுபடுத்தி காட்டப்பட்டுள்ளது. அதேவேளை அவற்றை தமிழ் எழுத்துக்களில் மட்டுமே எழுதிக் காட்ட முடியாது என்பதால், தமிழில் புழங்கும் கிரந்த எழுத்துக்களையும், உரோமன் எழுத்துக்களையும் சேர்த்தே எழுதிக்காட்டப்பட்டுள்ளன என்பதை பொறுத்தருள்க. பிரெஞ்சு பிரெஞ்சு ஒலிப்பு தமிழ் Lundi லந்தி திங்கள் Mardi மர்dதி செவ்வாய் Mercredi மெர்கிறdதி புதன் Jeudi ஜுdதி வியாழன் Vendredi வோந்திறdதி வெள்ளி Samdi சம்dதி சனி Dimanche dதிமோஷ் ஞாயிறு இ து ஒரு குரும்பாடமாகும். இருப்பினு...
Read more

பிரெஞ்சு மாதங்கள் (French Months of the Year in Tamil)

Image
வணக்கம் உறவுகளே! இன்றைய பிரெஞ்சுமொழி பாடத்தில் நாம் பார்க்கப் போவது பிரெஞ்சு மொழியில் மாதங்களின் பெயர்களை எப்படி கூறவேண்டும் என்பதையாகும்.  அநேகமாக இவை தமிழர்களான எமக்கு பெரும் சிரமம் இன்றி எளிதாக கற்கக் கூடியதாக இருக்கும் என்று நினைக்கின்றேன். ஏனெனில், இவை நாம் அன்றாடம் பயன்படுத்தும் ஆங்கில மாதங்களின் பெயர்கள் போல் கிட்டத்தட்ட இருப்பது என்பதுவே ஆகும்.  இருப்பினும் பிரெஞ்சு மொழியில் மாதங்களின் பெயர்களை எழுதும் முறையும் ஒலிப்பும் ஆங்கிலத்தைப் போல்லல்லாமல்  வேறுபட்டவை. அதனை சரியாக விளங்கிக்கொண்டோமானால், எளிதாக பிரெஞ்சு மாதங்களின் பெயர்களை நினைவில் வைத்துக்கொள்ளலாம்.  இன்றைய இப்பாடமும் பிரெஞ்சு மொழியின் அடிப்படை பாடங்களில் ஒன்றாகும். பிரெஞ்சில் மாதங்களை “Les mois de l'année” என்பர். பிரெஞ்சில் “ஆண்டின் மாதங்கள் தமிழில்” என்பதனை “Les mois de l'année en tamoul” என கூறவேண்டும். பிரெஞ்சு பிரெஞ்சு ஒலிப்பு தமிழ் janvier ஜோன்வியே சனவரி février fபெவ்ரியே பெப்ரவரி mars மார்ஸ் மார்ச் avril அவ்ரீல் ஏப்ரல் mai மே ய் மே juin ஜுவா ன் யூன் juillet ஜூய்யீயே யூலை août ஊத் ஆகத்து septemb...
Read more